Покана за концерт

PDFПечатиЕ-пошта

           Во рамките на донаторската акција за опремување на музичкиот кабинент на ОСУ„Св.Климент Охридски“ - Охрид, Ве каниме на концерт кој ќе се одржи на 20.12 (сабота ) 2014 год. во Центарот за култура „Григор Прличев“. Концертот е замислен како наша варијација на познатото шоу „Твоето лице звучи познато“. Публиката ќе има можност да пее со изведувачите бидејќи текстот на песните ќе се проектира на платно, а изведувачите ќе бидат оценувани од жири.

Петок, 19 Декември 2014 08:06


 

Воспоставена соработка меѓу гимназијата „Св.Климент Охридски“ од Охрид и гимназијата „Јован Јовановиќ - Змај“ од Нови Сад

PDFПечатиЕ-пошта

Во периодот 11-14 Декември група ученици членови на хорот и оркестарот на нашата гимназија престојуваа во Нови Сад , Србија каде беа гости на гимнизајата „Јован Јовановиќ Змај„.
На 12 Декември со почеток во 19.30ч. во свечената сала на гимназијата во Нови Сад беше одржан спектакуларен концерт на кој настапија хорот на нашата гимназија, хорот на гимназијата домаќин, ансамблот Бајиќ и оркестарот на гимназијата во Нови Сад.
Нашиот хор под раководство на проф. Александар Димоски изведе четири композиции а настапот беше збогатен со две песни кои ги изведоа ученичките Исидора Јанева (IV7) и Натали Илијоска (II4) во придружба на Филип Ангеловски и Виктор Јолакоски на гитари. (ментор проф Љупчо Аслимоски) Покрај настапите на ансамблите од Нови Сад на крајот беа изведени две песни (по една на македонски и на српски јазик) кои ги изведоа сите ученици заедно.
За време на посетата беше потпишан меморандум за соработка на двете гимназии. Меморандумот го потпишаа директорите Вера Јовческа и Радивоје Стојковиќ. Со овој меморандум се поставија темелите за идната соработка на овие две училишта кои се меѓу прворангираните спред рејтингот во своите земји.
Во четридневниот престој се остварија и други активности од образовен и забавен карактер, Нови Сад органиозирано се разгледуваше, беше посетена Петроварадинската тврдина, заднички беше проследена 3Д проекцијата на филмот Хобит  - Битката на петте армии, а неизбежни беа и забавите со далеку познатите новосадски тамбураши.
Голема благодарност упатуваме до сите кои го помогнаа оваа патување а најголема благодарност на домаќините од Нови Сад кои ги отворија своите домови но и своите срца за нас. Благодариме драги пријатели и со нетрпение ве очекуваме кај нас.

Понеделник, 15 Декември 2014 13:45


   

Хуманитарна вечер во организација на СОСУ„Св.Кирил и Методиј“ - Охрид

PDFПечатиЕ-пошта

На 17.11 2014 година со почеток во 20 часот во НУ Центар за култура „Григор Прличев“ - Охрид, од страна на Средното општинско стручно училиште „Св.Кирил и Методиј“ - Охрид ќе се организира Хуманитарна вечер на која настап ќе имаат Бекдор Бенд, КУД Отекс, Ансамбл Зарина и ученици од гимназијата и економското училиште. Влезот е 50 денари.

Петок, 14 Ноември 2014 10:31


 

ПРВО МЕСТО НА КОНКУРСОТ ОД НАРОДНА БАНКА ПО ПОВОД СВЕТСКИОТ ДЕН НА ШТЕДЕЊЕТО

PDFПечатиЕ-пошта

По повод Светскиот ден на штедењето-31 Октомври, Народната банка на Република Македонија и Агенцијата за супервизија на осигурувањето распишаа литературен конкурс на тема „И јас умеам да штедам”. На него Емилија Карафилоска,ученичка во IV година при ОСУ„Св.Климент Охридски ”го освои првото место на конкурсот  за најдобра литературна творба на горенаведената тема.Во прилог е нејзината наградена литературна творба.

И јас умеам да штедам

Во овој контаминиран простор на двосмислености

кога ќе ги затворам очите си поставувам

суптилни прашања полни конфузност..

Дали можам?Дали вие можете?

Дали умеам да заштедам нешто додека реалноста

го празни мојот сиромашен буџет на илузии и емоции?

Во ова драмско време на нијансирани виртуелности

и трошење пари на безвредности,

на сцената е потребен ликот на совеста и разумот.

Насекаде попусти и распродажби на рационалност

каде ги купувам своите сериозни навики за штедење,

насекаде по шалтерите вразумени индивидуи

кои го започнуваат процесот на спасот,

кои од својата заработка заштедуваат еден мал важен дел,

дел кој носи олеснување и полежерно секојдневие,

дел кој во ноќите им обезбедува мирен сон,

а во деновите едно заштедено осигурување.

Но насекаде има индивидуи заглавени

на автопатите на нискиот стандард,

кои не се навикнати на разумниот модел

на сигурната иднина,

со што ја зголемуваат стапката

на својата материјална криза,

кои се беспомошни пред својот кулминиран материјализам.

Но, мојата индивидуа не го дозволува тоа,

навикната на секојдневното издвојување

на мала сума пари

чекорам мирно пред голема криза

која владее во човечкиот џеб.

Да,ги купувам своите потреби

на секојдневните распродажби

кои ми нудат една рефлексија

на мојата сигурна,заштедена иднина,

кои ми нудат доказ дека за секоја потреба имам мала заштеда,

со која се спротивставувам на беспотребното расфрлање на парите,

па не заглавувам на автопатите на кризата

зашто и јас умеам да штедам,

зашто јас умеам да ја осигурам својата иднина,

зашто најдобро е да се зачекори по патот на штедењето,

зашто најдобро е да се прави чест секому,а вересија никому.

И јас умеам да заштедам чекорејќи

по патиштата на заштедата,

умеам да заштедам за постојано  да имам полни дланки материја и мирен сон,

па нека ни е вечен денот на штедењето-разумниот модел

на спасот кој ни носи полн буџет задоволства

и зрак светлина во темните лавиринти на кризата!

Вторник, 04 Ноември 2014 22:48


 

Страница 1 од 29

Анкета

Дали Ви се допаѓа веб-страната?
 

Присутни

Има 3 гости присутни